இயேசுவே என் தெய்வமே

இயேசுவே என் தெய்வமே - என்
நெஞ்சிலே வந்து தங்குவாய் (2)
எந்தன் உள்ளம் நிறைந்து என்றும்
எனது வழியைக் காட்டுவாய்

கல்லும் முள்ளும் நிறைந்த எனது
வாழ்வின் தடைகள் ஆயிரம்
செல்லும் வழியில் துணையாய் வந்தால்
எந்த இடரும் போய்விடும்
அச்சமின்றி பயணம் தொடர
அன்பில் நாளும் உன்னில் வளர
நீ என் துணை வருவாய்

உனது உடலும் குருதியும் என்
ஜீவ உணவாய் மாறட்டும்
உந்தன் தியாகம் உண்மை அன்பும்
எந்தன் வாழ்வில் நிகழட்டும்
எனது நெஞ்சில் வந்த இறைவா
உனது பாதை நாளும் நடந்து
என்றும் பின் தொடர்வேன்.